ថ្ងៃព្រហស្បតិ៍ ១៥ រោច ខែកត្តិក ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២០ ខែវិច្ឆិកា ឆ្នាំ២០២៥ អ្នកគ្រូ អ៊ន់ សេរី គ្រូឯកទេសមុខវិជ្ជា ជីវៈវិទ្យា បានដឹកនាំសិស្សានុសិស្សថ្នាក់ទី៩ នៃសាលារៀន អន្តរទ្វីប អាមេរិកាំង សាខាផ្សារថ្មី ធ្វើសកម្មភាពពិសោធសង្កេតស្តូម៉ាតនៃស្លឹករុក្ខេជាតិ ដើម្បីវិភាគលើភាពខុសគ្នានៃចំនួនស្តូម៉ាតនៅផ្នែកខាងក្រោមនិងផ្នែកខាងលើស្លឹករុក្ខជាតិ។

វត្ថុបំណងនៃកាពិសោធ  

• សង្កេតស្តូម៉ាតរុក្ខជាតិម៉ូណូកូទីលេដូននិងឌីកូទីលេដូន
• ទាញសេចក្តីសនិ្នដ្ឋានពីការពិសោធ

សម្ភារៈពិសោធ 

មីក្រូទស្សន៍  បន្ទះឡាម   ស្កុតថ្លា  ទឹកថ្នាំលាបក្រចកថ្លា(គ្មានពណ៌) ស្លឹករុក្ខជាតិម៉ូណូកូទីលេដូន  ស្លឹករុក្ខជាតិឌីកូទីលេដូន   ។

ដំណើរការពិសោធ

• លាងនិងជូតសម្ងួតផ្ទៃស្លឹករុក្ខជាតិឱ្យបានស្អាតនិងស្ងួតល្អ
• លាបទឹកថ្នាំលាបក្រចកក្នុងបរិមាណស្តើងល្មមលើផ្ទៃខាងលើនិងខាងក្រោមនៃផ្ទៃស្លឹករុក្ខជាតិទាំងពីរប្រភេទរួចទុកឱ្យស្ងួត
• បិទស្តុតថ្លាពីលើផ្ទៃទឹកថ្នាំលាបក្រចកស្ងួតនៃស្លឹកឈើ(ប្រវែងខ្លីល្មម)រួចប្រើមេដៃពង្រាបលើស្កុតនោះថ្នមៗ
• បន្ទាប់មកបកស្កុតចេញពីស្លឹកឈើនីមួយៗមកបិទលើបន្ទះឡាមដោយដាក់ឈ្មោះសម្គាល់រុក្ខជាតិលើឡាមែលផង

ចុងបញ្ជប់នៃការពិសោធនេះយើងសង្កេតឃើញថាសិស្សានុសិស្សបានសង្កេតឃើញអំពីអ្វីទៅជាស្តូម៉ាតរុក្ខជាតិម៉ូណូកូទីលេដូននិងឌីកូទីលេដូន និងបានទាញយកសេចក្តីសនិ្នដ្ឋានពីការពិសោធនេះដោយការពិតនិត្យឃើញជាក់ស្តែងក្រៅពីគ្រូពន្យល់មេរៀន។